Gerard Pique i ka dhënë zyrtarisht lamtumirën Barcelonës sot në stadiumin Camp Nou, ndërsa klubi në faqen zyrtare ka publikuar një fotografi në të cilën shihet mbrojtësi me të gjithë trofetë e fituar me këtë skuadër.
Pique ka luajtur gjithsej 616 ndeshje për Barcelonën dhe ka arritur të shënojë 53 herë dhe ka dhuruar edhe 13 asistime.
Sa i përket trofeve, ai fitoi tetë tituj të La Ligës dhe tre tituj të Ligës së Kampionëve me Barcelonën, dhe përveç kësaj fitoi shtatë herë Kupën e Mbretit, si dhe gjashtë Superkupa spanjolle.
Ai me Barcelonën e fitoi tri herë Superkupën e Evropës, po aq herë me këtë ekip u bë edhe kampion i botës për klube.
Nga çmimet individuale, Pique mori çmimin “Zbulimi më i madh” në Barcelonë në sezonin 2008-2009 dhe një vit më vonë u shpall mbrojtësi më i mirë në La Liga.
Ai ishte dy herë në ekipin më të mirë të La Ligas të Spanjës, si dhe një herë në ekipin më të mirë të Ligës së Kampionëve.
Sa i mirë ishte Pique në përgjithësi, tregon edhe fakti se ai ishte pesë herë në ‘Ekipin e vitit të UEFA-s’.
“Faleminderit për gjithçka, legjendë”, kanë shkruar ata në faqen zyrtare të Barcelonës.
