Top-ligat evropiane rikthehen sot me disa sfida tejet interesante dhe të rëndësishme.
Premier League vjen sot me ndeshjet e xhiros së 14-të. Kjo xhiro hapet me duelin Manchester City-Brentford, ndeshje që nis në orën 13:30. Kampionët në fuqi të Anglisë konsiderohen favorit për fitore të paktën në letër.
Duel i zjarrtë parashikohet të luhet edhe në duelin Wolves-Arsenal, ku lideri i tabelës, kërkon fitoren e radhës. Ballafaqim i ‘nxehtë’ pritet të luhet edhe në ndeshjen Liverpool-Southampton.
Serie A, një tjetër ligë e madhe evropiane, rikthehet sot me tri ndeshjet e javës së 15-të, ku lideri i tabelës, Napoli kërkon fitoren e radhës kundër Udineses.
Përballja interesante do të luhen edhe në Bundesligën gjermane, ku veçohet dueli Schalke-Bayern Munich.
Elita franceze vjen me dy ndeshje, ku takohen Lens-Clermont dhe Rennes-Toulous, derisa në Spanjë luhen duelet në kuadër të Kupës së Mbretit.
