Legjenda e futbollit të Kosovës, Nehat Osmani, ka publikuar një fotografi interesante të përzgjedhjes së Kosovës në vitin 1979, kur janë takuar me përzgjedhjen e Bosnjës dhe Hercegovinës.
Osmani ka disa fjalë për legjendën Sokol Hadri, i cili ka ndërruar jetë të hënën që e lamë pas.
“Sokol Hadri - një kolos i futbollit dhe sportit të Kosovës kaloi në përjetësi.
Për ta përkujtuar me pietet të lartë si një UDHËRRËFYES dhe KAPITEN i shumë gjeneratave, edhe përmes këtij ilustrimi të hershëm, unë në fillet e karierës time ndërsa Sokol Hadri në zenitin e lavdisë së tij duke përfaqësuar reprezentacionin e Kosovës kundër atij të Bosnjës e Hercegovinës më 1979.
Nder dhe respekt për këtë sportist Legjendë dhe njeri Simbol të papërsëritshëm!”, ka shkruar Osmani.
