Tite largohet nga Brazili pas Botërorit!
Lajmi që dha ish-lojtari i kombëtares së Brazilit dhe komentatori Kaio Ribeiro se trajneri i ardhshëm i Brazilit pas Botërorit do të jetë Mano Menezes e ka gjetur pak të papërgatitur delegacionin e “Seleçaos” përpara Botërorit.
Presidenti i Federatës, Ednaldo Rodrigez, tha se një gjë e tillë nuk është e vërtetë dhe ai nuk ka folur ende me kandidatët që pritet të zëvendësojnë Titen, i cili ka njoftuar se do të lërë stolin pas turneut në Katar.
Ai tha për “Globoesporte” se procesi i përzgjedhjes së trajnerit të ri do të nisë në janar, ndërsa i gjithë fokusi i Brazilit në këtë moment është te Botërori që për 5 herë kampionët e Botës do të nisë të enjten kundër Serbisë.
