Trofeu i Kupës së Botës “Zhyl Rime” u rikthye në Brazil në 1970 kur “Seleçao” fitoi Botërorin në Meksikë.
Si tri herë fituesit e Kupës së Botës, kupa u takonte të mbahej nga ata përjetësisht, pavarësisht se u vodh sërish në vitin 1983 dhe nuk u gjet më kurrë. Më pas u prodhua trofeu i ri i Kupës së Botës, “Trofeu i Kupës së Botës së FIFA-s” ai që është edhe sot.
Pasi u vodh në Londër, u porosit një kopje tek argjendari londinez Xhorxh Bërd, i cili u betua për ruajtjen e sekretit. Kopja u shit te kompania e ankandit “Sotheby” te një blerës misterioz në vitin 1997 për 240 mijë paund, gati 25 herë më shumë se vlera e llogaritur e saj.
Më vonë doli që blerësi ishte një përfaqësues i federatës angleze, që vepronte në emër të FIFA-s, sekretari i të cilës ishte Sep Blater dhe ai kishte autorizuar blerjen e kupës me çdo çmim. Kopja më vonë iu dhurua muzeut të futbollit kombëtar në Mançester, ku ekspozohet edhe so.
