Jurgen Klinsman mendon se skuadra e Hansi Flick nuk do ta fitojë Kampionatin Botëror në Katar. I pyetur për shanset e Gjermanisë për triumf, Klinsmani, duke folur në “BBC Sport”, theksoi se rruga e Gjermanisë është e vështirë.
“Është e vështirë. Është një grup që tani po rritet dhe që shpresojmë të kalojë në gjysmëfinale, që do të ishte arritje e madhe. Të fitosh është shumë larg mendoj”.
Klinsmann pranoi se mungesa e portës së paprekur të Gjermanisë në ndeshjet e fundit është gjithashtu një problem.
“Është një shqetësim për Gjermaninë. Është një grup lojtarësh që po rriten. Nuk kemi gjetur ende katër mbrojtësit ideal. Mbrojtësit e krahut nuk janë ende të fortë. Në vitin 2014 kur fituan në Brazil ata luajtën me katër qendërmbrojtës. Mund të përfundojmë në këtë turne edhe me katër qendërmbrojtës.”
Legjenda gjermane beson se skuadra e Hansi Flik nuk do ta fitojë Kupën e Botës. Pas fitimit të turneut në vitin 2014, Gjermania u eliminua në fazën e grupeve në vitin 2018 dhe ata do të jenë të vendosur të shmangin të njëjtin fat këtë herë. Klinsmann ka parashikuar që skuadra e Flick do të kalojë në gjysmëfinale në Katar.
Gjermania duhet të mund Kosta Rikën në ndeshjen e fundit të grupit dhe shpreson që Spanja të mund Japoninë. Ndryshe Klinsmani fitoi Kupën e Botës në vitin 1990 dhe shënoi 47 gola për vendin e tij.
