Nesër nisin ndeshjet çerekfinale të Kupës së Botës “Katar 2022”, ku Brazili do të luajë ndaj Kroacisë. Trajneri Tite, u shpreh se në këtë ndeshje nuk do të luajë Alex Sandro. “Të shohim edhe stërvitjen e fundit, por me shumë gjasa nuk do të luajë, pasi nuk është ende në formë. Gjithsesi, do të jetë në vëzhgim”, tha Tite.
Më tej, trajneri i Brazilit ka hedhur poshtë akuzat për mënyrën e festimit të skuadrës së tij pas golave të realizuar. Madje edhe vetë trajneri u përfshi në vallëzime, pas fitores ndaj Koresë së Jugut. “Kush na sulmon për këto festime nuk e njeh kulturën e Brazilit, mënyrën e të qënurit brazilian. Kjo është pjesë e edukimit të të rinjve”, tha Tite.
“Historia ime thotë se kam qenë gjithnjë i respektueshëm me të gjithë.
E bëra atë vallëzim me Richarlison për të treguar lidhjen me brezin e ri.
Jam 61 vjeç dhe të gjithë ata që janë në kombëtare mund të jenë nipërit e mi. Nëse do të më duhet të kërcej sërish do ta bëj. Shpersoj që mos më zërë ngërçi”, tha Tite.
