Në vitin 2014 Gjermania arriti lavdinë me fitoren 1-0 kundër Argjentinës në Maracana. Evropianët fituan Botërorin e tyre të katërt dhe lanë Lionel Messin me shokë duarbosh. Ndonëse finalja mbahet mend për golin e Mario Gotze-s, bie në sy edhe pasi një nga gjermanët nuk e mban mend ndeshjen.
Me një dëmtim të Sami Khedira para finales, trajnerit Joachim Low iu desh të ndryshonte formacionin e tij titullar. Christoph Kramer, atëherë një lojtar i Borussia Monchengladbach, e zëvendësoi atë.
Përfshirja e tij ishte një surprizë për shumë njerëz, pasi ai kishte bërë vetëm debutimin e tij ndërkombëtar në fillim të atij viti dhe tashmë po luante në një finale të Kupës së Botës.
Pikërisht kur gjithçka po shkonte mirë, dita e Kramer ndryshoi në një çast. Pas rreth 30 minutash lojë, ai pati një përplasje me Ezequiel Garay. Më pas gjermani iu afrua gjyqtarit Rizzoli dhe e pyeti nëse ajo ndeshje ishte finalja.
Arbitri mendoi se ishte një shaka dhe i kërkoi të përsëriste pyetjen. Kramer, pasi u përgjigj, e falënderoi dhe tha se ishte e rëndësishme të dihej.
Kjo alarmoi arbitrin italian, i cili lajmëroi Bastian Schweinsteiger për situatën. Low dhe stafi teknik u detyruan të zëvendësonin Kramerin në pjesën e parë.
Më vonë u zbulua se lojtari pësoi një tronditje dhe amnezi të përkohshme, që do të thotë se ai nuk mbante mend të luante në finale dhe as fitoren e Kupës së Botës me Gjermaninë.
Phillip Lahm tha se ai u përpoq t’i hiqte shiritin e kapitenit për të udhëhequr ekipin. Thuhet gjithashtu se Kramer ngatërroi Thomas Muller për Gerd Muller, sulmuesin historik gjerman fitues të Kupës së Botës 1974.
