Andin Lokaj në emisionin sportiv “Favoriti i Botërorit” ka komentuar finalen e sotme të Kupës së Botës “Katar 2022”.
Argjentina triumfoi kundër Francës në finale pas ekzekutimit të penalltive me rezultatin 4:2.
120 minutat e kësaj sfide u mbyllën me rezultatin 3:3.
“Është interesant që dy lojtarët më të mëdhenj, Maradona dhe Messi, kanë fituar. Nuk kishte finale më të mirë që nga ajo e vitit 1986, kur Argjentina mposhti Gjermaninë”, tha Lokaj.
“Sot të njëjtën gjë e përjetoi edhe Messi, edhe më stresuese. Ishte ndeshje për infarkt. Ndeshja më e madhe në histori të Botërorëve dhe futbollit”, deklaroi Lokaj.
