Gjithnjë e më shumë po i del fytyra e vërtetë Dragan Stojkoviqit, selektorit të Serbisë, që shau nënat e shqiptarëve në ndeshjen mes Zvicrës dhe Serbisë.
Në seancën e Federatës së Futbollit të Serbisë, diskutohej për Kupën e Botës në Katar, aty Novica Tonçev, anëtar i Komitetit Ekzekutiv të federatës serb, theksoi se nuk kishte marrë ftesë.
Tonçevi, fillimisht kërkoi që një pikë e rendit të ditës të jetë në raport, për paratë e shpenzuara në Katar, si dhe kush ishte në hotel në kurriz të federatës!
Ai akuzoi edhe selektorin, pastaj udhëheqësin e federatës Nenad Bjekoviq, menaxherin e përgjithshëm Jovan Shurbatoviq, si dhe drejtorin e kombëtares Stevan Stojanoviq.
Ndër të tjera, Tonçev në takim ka thënë se trajneri Dragan Stojkoviq - Piksi ka marrë 1.5 milionë euro bonus në Katar dhe se Bjekoviq, Shurbatoviq e Stojanoviq kanë marrë nga 350 mijë euro.
Tonçevi tha se drejtuesit morën më shumë se lojtarët nga fondi i Botërorit.
Stojkoviq me Serbinë u eliminuan në fazën e grupeve dhe nokautin e morën nga Zvicra e Xherdan Shaqirit e kapitenit Granit Xhaka.
Ky është treguesi më i mirë se kush është Stojkoviq,i lidhur me politkën serbe sikur ka qenë dikur shokë në vitet e 90-ta me kriminelin e luftës Zhelko Razhnatoviq - Arkan.
