Sonte me fillim nga ora 21:00 stadiumi “Old Trafford” do të jetë nikoqir i ndeshjes tejet interesante mes Manchester United e Nottingham Forest, e vlefshme kjo për xhiron e 17 të Premier Ligës angleze.
Në xhiron e fundit të zhvilluar të dy skuadrat arkëtuan pikët e plota, ku United e mposhti Fulhamin me rezultat të ngushtë 2:1, kurse Nottinghami shënoi fitore minimale 1:0 kundër Crystal Palace.
Momentalisht, United zë vendin e pestë në kuotën e 26 pikëve, krahas Nottinghamit që renditet në vendin e parafundit, respektivisht të 19-in me 13 pikë të arkëtuara.
Takimi i fundit mes këtyre dy skuadrave daton në muajin shkurt të vitit 1999, ku asokohe Manchester United e shkatërroi Nottinghamin me rezultat të thellë 8:1.
Sa i përket ndeshjes së sotme, të dy skuadrat do të kenë mungesa të lojtarëve, ku për United nuk do të paraqiten Greenwood, Martinez, Sancho dhe Tuanzebe, kurse te Nottingham mungojnë Biancone, Henderson, Kouyate, Niakhate dhe Richards.
Tanimë të dy trajnerët kanë vendosur se me cilët lojtarë do ta fillojnë ndeshjen e sotme, dhe formacionet zyrtare i gjeni më poshtë.
Manchester United (4-2-3-1): De Gea; Malacia, Varane, Shaw, Wan-Bissaka; Eriksen, Casemiro; Antony, Fernandes, Martial; Rashford
Nottingham Forest (4-3-3): Hennessey; Worrall, Aurier, Boly, Lodi; Mangala, Yates, Freuler; Lingard, Awoniyi, Johnson
