Klubi anglez Tottenham ka bërë ofertë për mesfushorin e Barcelonës, Franck Kessie, raportojnë mediat britanike.
Reprezentuesi nga Bregu i Fildishtë, gjatë verës që lamë prapa ishte transferuar në Barcelonë nga Milani, por pritet të largohet nga ‘Camp Nou’ pasi ai nuk po gjen vend në formacionin bazë të skuadrës së Xavi Hernandez.
‘Spurs’ thuhet se janë të etur për Kessi dhe tashmë londinezët kanë dërguar ofertën në vlerë prej 15 milionë eurosh.
Tottenham është i bindur se në muajin janar, do ta blejnë Kessi-en, i cili është duke u monitoruar edhe nga disa klube tjera evropiane.
