Probleme për Interin!
Simone Inzagi nuk i është gëzuar dot plotësisht fitores me Sasuolon dhe sinjaleve të mira të marra nga lojtarët e tij, pasi ka dëshmuar largimin e Henrik Mikhitarianit në fillim të pjesës së dytë.
Armeni ka ndier një dhimbje muskulore që e ka detyruar të lërë fushën, por nga ekzaminimet fillestare sipas “Sky Sport” nuk bëhet fjalë për asgjë serioze.
Largimi i tij ka qenë më së shumti një masë paraprake që stafi i Interit e ka zgjedhur për të mos rrezikuar edhe më lojtarin, duke pasur parasysh rëndësinë e sfidës së ardhshme me Napolin, kur Inzagi pret t’i rikthehen në dispozicion edhe Lautaro e Brozoviç, të fundit që do t’i bashkohen grupit.
