Marcus Rashford është lënë në stol për ndeshjen e kampionatit që Manchester United do të luaj pas pak kundër Wolves për shkak të masave disiplinore nga klubi.
Lojtari i përfaqësueses angleze pritej të kryesonte sulmin për Djajtë e Kuq në Molineux pas paraqitjeve radhazi me gola kundër Burnley dhe Nottingham Forest.
Por trajneri Erik ten Hag ka zbuluar se 25-vjeçari është lënë në stol për “masa disiplinore”. Holandezi nuk zbuloi arsyen pse Rashford ishte disiplinuar.
Ai tha: “Disiplinë e brendshme. Nuk ka detaje. Rregullat tona. Tani të përqendrohemi te ndeshja. Ai është në formë shumë të mirë dhe askush nuk mund të luajë çdo ndeshje.”
Tifozët e United i janë drejtuar menjëherë rrjeteve sociale për të komentuar lënien e Rashford në stol, me njërin që ka pyetur: “Pse është lënë në stol Marcus Rashford?”.
Një tjetër pyeti: “Çfarë bëri Marcus Rashford?”. Dhe një tjetër tha: “Marcus Rashford është ndër lojtarët më në formë në kampionat, por nëse ai duhet të ndëshkohet sepse ka qenë me vonesë në një takim para ndeshjes, atëherë e kuptoj. Nuk ka rëndësi kush je apo sa i mirë je.”
Njëri vërejti: ” Marcus Rashford është në stol për shkak të masave të brendshme disiplinore, sipas Erik ten Hag. Gjithmonë duket se ka një dramë rreth lojtarëve tanë”.
Vendi i pestë United do të shpresojë të kapërcejë Tottenhamin në vendin e katërt me një fitore në Molineux. Djajtë e Kuq janë dy pikë larg londinezëve, por mund ta kalojnë vitin në zonën Champions League – edhe pse për 24 orë.