Ekipi i Ligës së Dytë të Maqedonisë së Veriut në futboll, Gostivari, vazhdon të përforcohet për pjesën pranverore të sezoni.
Skuadra shqiptare sot e ka promovuar Fahrudin Gjurgjeviqin si përforcim të ri dhe me këtë tregojnë se synojnë ta rikthehen në elitën e futbollit maqedonas.
Gjurgjeviq është një lojtar me përvojë dhe ka luajtur në Vllazni të Shkodrës, Hradec Kralove, Spartak Subotica. Klubi i tij i fundit ishte Makedonia GP.
Para pak ditësh, Gostivari është përforcuar edhe me Fisnik Zukën, Gordian Hristovskin, Astrit Amzai, Rejan Abazi dhe Simeon Hristov.
