Stoli i Shqipërisë do të jetë i treti për Sylvio Mendes Campos Júnior në karrierën e re si trajner. Ish-mbrojtësi brazilain, i cili njihet më mirë nga publiku me emrin Sylvinho do të startojë Brenda pak ditësh aventurën e re, e cila do të jetë prova e madhe duke parë si janë mbyllur dy të parat.
11 ndeshje – Përpara se të ushtronte detyrën e trajnerit, braziliani nga San Paolo ka qenë pjesë e stafit teknik të skuadrave si Crueiro, Sport Recife, Náutico, Corinthias, Inter dhe Brazili. Ishte një ofertë e ardhur nga klubi i Lyon-it, ajo që shtyu brazilianin të merrte hapin e madh dhe të drejtonte vetë një ekip.
Aventura në Francë zgjati pak, vetëm 11 javë. Sylvinho nisi mirë Ligue 1 me dy fitore të bujshme përballë Monaco (3-0) dhe Angers (6-0) dhe më pas asgjë. Dy fitoret u pasuan nga barazime dhe humbje, rezultate këto që shtynë presidentin ta largonte. Gjatë aventurës në Francë, braziliani numëron edhe dy paraqitje në Ligën e Kampioneve ku numëron vetëm një fitore në fazën në grupe përballë Lajpcigut. Në total Sylvinho mbylli karrierën në Francë me vetëm tre fitore.
Bilnaci i Sylvinho me Lyon (9 Gusht/ 6 Tetor 2019)
Ndeshje F B H Gola Pikë Mesatarja pikëve për ndeshje
11 3 4 4 17:10 13 1.18
Ndarje e keqe – Pas eksperiencës në Francë, Sylvinho tentoi që të rikthehej duke rinisur gjithçka nga një terren që ai e njihte mjaft mirë. Vendosi që të rikthehej në Brazil në krye të ekipit të Corinthias-it. Ndryshe nga ç’bëri në Francë këtë herë Sylvinho nisi keq punën. 2 fitore në 9 javët e para në Campeonato Brasileiro Série A ndërsa humbja dhe barazimi përballë Atlético-GO bënë që Corinthias të mos shkonte më larg se turi i tretë në Copa do Brasil.
Aventurës të Sylvinho-s në Brazil do ti vinte fundi pas kontestimit të tifozëve në “Neo Química Arena” në humbjen 2-1 përballë Santos-it (takim i vlefshëm për javën e tretë të Campeonato Paulista - Série A1). Pas kësaj humbjeje Sylvinho u kërkoj ndjesë tifozëve të cilët shkaktuan jo pak trazira deri në momentin kur presidenti i klubit vendosi të largonte trajnerin. (A.V)
Bilnaci i Sylvinho me Corinthians (30 Maj 2021/ 3 Shkurt 2022)
Ndeshje F B H Gola Pikë Mesatarja pikëve për ndeshje
43 16 14 13 42:40 62 1.44
