Në eksperiencën e tij të re tek Al-Nassr, Cristiano Ronaldo do të gjejë si trajner ish-in e Serie A, Rudi Garcia. Ish-trajneri i Romës është në krye të klubit saudit dhe tashmë do t’i duhet të marrë përsipër barrën dhe nderin për t’u bërë shefi i CR7. Një rol që shumë e kanë mbuluar ndër vite, disa me sukses si Zidane, të tjerë me shumë probleme, siç ndodhi së fundi me Ten Hag.
Si do të sillet Garcia me portugezin? Ekziston një person që mund ta thotë fjalën e tij në këtë drejtim: Juninho Pernambucano. Trajneri francez dhe ish-futbollisti brazilian u takuan në Lyon dhe të thuash se kishin inat me njëri-tjetrin është një nënvlerësim.
Në fakt, në një intervistë për “MaisFutebol”, ish-mesfushori brazilian nuk e “kafshoi gjuhën”, duke thënë fjalën e tij për trajnerin francez, duke lënë të kuptohet se Garcia do të bëjë vërtet gjithçka për të hyrë në zemrën e portugezit: “Përvoja ime me Rudi Garcia ishte e tmerrshme. Ai është personazhi më i keq që kam takuar ndonjëherë, në të gjithë karrierën time futbollistike.
Nëse nuk dini të vozitni, vozisni me frikën që mund t’u imponoheni të tjerëve. Por ai respekton vetëm njerëzit që kanë fuqinë mbi të, përpiqet t’i shfrytëzojë. Duke folur për Cristiano Ronaldon, ai kurrë nuk do të bëjë asgjë për ta inatosur portugezin. Përkundrazi, nëse Cristiano ka nevojë, do të shkojë t’i dërgojë edhe kafen e mëngjesit”.
Sigurisht, jo fjalë të mira nga Juninho, i cili konfirmon se marrëdhënia në kohën kur të dy punonin së bashku në Francë ishte e stuhishme. Kush e imagjinonte dot se Garcia mund të menaxhonte edhe pesë herë fituesin e “Topit të Artë”.
“Ai do të përpiqet të bëhet mik me Cristianon, të bëhet intim me të. Dhe për ta arritur këtë, Garcia do të bëjë gjithçka. Do të jetë një ëndërr për të që të jetë mik me Cristianon. Për Rudi Garcia nuk ka rëndësi nëse ekipi bën mirë ose nëse ka harmoni, rëndësi ka që ai të jetë në qendër të vëmendjes, edhe nëse është në mes të një krize.
Si të gjithë njerëzit shumë të ftohtë, e njeh kush është më i rëndësishëm se ai dhe përpiqet të përfitojë. Cristiano Ronaldo është një nga personazhet më të mëdhenj në historinë e futbollit, ai është një legjendë dhe Rudi e di këtë…"./
