Menaxheri i Evertonit, Frank Lampard, ka folur pas humbjes nga Manchester Unitedit.
‘Djajtë e Kuq’ mposhtën Evertonin (3-1), duke kaluar në rrethin tjetër të garave në FA Cup.
Strategu anglez pas ndeshjes tha se skuadra e tij meritonte më shumë. Sipas tij, të besuarit e tij, bën paraqitje të mirë pavarësisht humbjes.
“Mendoj se meritonim më shumë. Lojtarët ishin shumë të mirë për sa i përket organizimit të lojës, etikës së punës. Ne ishim të mirë, mendoj se ne i patëm shanset më të mira. Marcus Rashford bëri diferencën”, tha Lampard.
Humbja nga United, rrezikon karrigen e Lampardit në krye të bankinës së Evertonit. Ai thotë se e ardhmja e tij, nuk varet nga ai.
“Nuk më takon mua të flas për këtë gjë. Detyra ime është të përqendrohem në atë që pashë sonte dhe ishte një performancë që e dëshiron çdo trajner. Nuk dua të flas për të ardhmen time”, theksoi Lampard.
