Regi Lushkja është zyrtarisht pjesë e klubit të Tiranës!
Afrimi i mesfushorit të “bardheblutë” është bërë publik nga kryeqytetasit përmes një videoje në rrjetet sociale.
“Regi është një nga ne. Mirëseerdhe Regi Lushkja!”-shkruhet krahas videos të publikuar nga Tirana.
Lushkja rikthehet në elitën e futbollit shqiptar pas më pak se një viti, pas në shkurt të 2022-shit mesfushori u transferua nga Laçi te Sheriff Tiraspol.
Eksperienca e 26-vjeçarit në Moldavi nuk rezultoi shumë produktive, pasi për shkak të dëmtimeve luajti shumë pak dhe tashmë rikthehet sërish në Shqipëri.
