Presidenti i futbollit francez, Noel Le Graet nuk është në një situatë tepër të favorshme.
Në fillim, deklarata e tij se nëse Zidane do e merrte në telefon për t’i kërkuar pozicionin e trajnerit të kombëtares së “gjelave” dhe se Le Graet nuk do ia hapte telefonatën, bëri që shumë yje të futbollit të replikojnë atë dhe të mbajnë anën e Zidane.
Më pas, një tjetër situatë e rëndë ndodhi kur Sonia Soudi, një agjente futbolli në Francë, deklaroi gjatë një interviste se Le Graet e ka ngacmuar disa herë seksualisht. Kjo gjë i hodhi edhe më shumë benzinë zjarrit.
Kjo stuhi mund të bëjë që presidenti i FFF-së të kërkojë dorëheqjen. Komiteti ekzekutiv i Federatës do të mblidhet së shpejtim një takim i kërkuar nga vetë Le Graet, nga Ministrja e Sportit Amelie Oudea Castera dhe nga disa anëtarë të komitetit.
Duket se presidenti u është dorëzuar akuzave, edhe pse takimi ishte tashmë në rendin e ditës.
