Për Ismael Benaser është finalizuar gjithçka siç duhet dhe tani pritet vetëm lajmërimi zyrtar nga ana e Milanit.
Mesfushori algjerian raportohet se ka nënshkruar ditën e djeshme akordin e ri, i cili do të jetë i vlefshëm deri në vitin 2027.
Pranë klubit kuqezi pranohet edhe futja e klauzolës 50 milionë euroshe në kontratë, e cila do të jetë e vlefshme vetëm për një afat 15 ditor brenda muajit korrik 2024.
Benaser do të përfitojë një trefishim të pagës, nga 1.5 në 4.5 milionë euro plus bonuse. Por lajmi më i mirë nga “Milanelo” e jep Rafael Leao. Edhe sulmuesi portugez është bindur të firmosë pas ofertës së fundit, e cila përfshin 6.7 milionë euro neto si rrogë, plus 1.2 milionë të tjera në formë bonusesh, lehtësisht të arritshme.
