Ish sekretari i përgjithshëm i Federatës së Futbollit të Kosovës gjatë vitit 1994-1995, Hadi Mehmeti, është i pikëlluar thellë me lajmin e ikjes në amshim të ish kryetarit të KF Prishtina, Beqir Aliut dhe njëherësh prej donatorëve më të fuqishëm në kohën e gjeneratës së sakrificës.
“Lamtumirë Beqir!
U nda nga jeta punëtori shumëvjeçar sportiv Beqir Aliu.
Beqa ishte punëtor i zellshëm sportiv, mik i dashur dhe i respektuar nga të gjithë sportistet e në veçanti futbollistët dhe futbolldashësit.
Ishte anëtare i Kryesisë së parë të FFK-së.
Ishte Kryetar i KF "Prishtina" dhe donator i madh i këtij klubi dhe i futbollit.
Beqa shpesh na vizitonte ne zyrat e FFK- së dhe çdo herë jepte këshilla dhe përkrahje të madhe morale dhe materiale!
Prehu na paqë miku im!”, ka shkruar Mehmeti.
