Manchester United siguron centimetra shtesë në fazën sulmuese me afrimin e holandezit Wout Weghorst, që mbush në njëfarë mënyrë boshllëkun e krijuar nga largimi i Cristiano Ronaldos.
Manchester United ka zyrtarizuar huazimin e 30-vjeçarit, i cili është në pronësi të Burnley-t, por që në pjesën e parë të sezonit luajti i huazuar në Turqi në radhët e Beshiktashit.
Klubi turk pranoi që huazimi i holandezit të mbyllej para kohe, pasi “Djajtë e Kuq” pranuan të paguanin 2.5 milionë stërlina.
30-vjeçari rikthehet në futbollin anglez, pikërisht në “Old Trafford”, ku do të qëndrojë deri në fund të sezonit aktual.
