Cristiano Ronaldo Junior do t’i bashkohet Akademisë Mahd. Pasi ka fluturuar me familjen e tij në Arabinë Saudite, pas marrëveshjes së babait të tij me Al Nassr, Ronald Jr është gati të jetojë një përvojë të re si futbollist.
Djali i madh i yllit nga Funchal ishte shfaqur i trishtuar dhe i shkëputur në foto në momentin e largimit nga Anglia, prandaj u ngritën hipoteza sipas të cilave ai nuk e kishte pëlqyer zgjedhjen e CR7. Fusha thërret dhe Cristiano Ronaldo Junior është ende një djalë 12-vjeçar, që mbi të gjitha dëshiron të luajë.
Pasi i tha lamtumirë Manchester United me marrëveshje të përbashkët nëntorin e kaluar, Cristiano Ronaldo ka vendosur efektivisht edhe të ardhmen e futbollit të djalit të tij, i cili është larguar nga akademia e të rinjve të “Djajve të Kuq”, duke u nisur drejt Lindjes së Mesme.
Ronaldo Jr kishte kaluar më parë dy vite në akademinë e Juventusit, përpara se të luante me fanellën numër 7 (sigurisht) të Manchester United. Krah për krah Cristiano Ronaldo dhe Cristiano Ronaldo Junior, i cili goditi një top për Real Madridin për herë të parë dhe tani është gati të zhytet në një përvojë të re brenda dhe jashtë drejtkëndëshit të gjelbër.
