Naby Keita do të largohet nga Liverpooli pas përfundimit të sezonit.
Sipas “Football Insider”, Liverpooli i ka përfunduar bisedimet për zgjatjen e kontratës me mesfushorin nga Guinea.
Si rezultat i mos arritjes së ndonjë marrëveshjeje, Keita do të largohet nga “Anfield” si lojtar i lirë në verë – pasi kontrata e tij skadon më 30 qershor.
Liverpooli kishte paguar 60 milionë euro për transferimin e tij nga Leipzigu në vitin 2018.
27-vjeçari deri më tani numëron 123 paraqitje për “Të Kuqtë” në të gjitha garat. Ai ka shënuar 11 gola dhe ka shtuar 7 asistime.
Këtë sezon, Keita është paraqitur në 7 ndeshje duke përfshirë të gjitha garat.
