Mikel Arteta konsideron se Arenal ka bërë hap të rëndësishëm në garën për titull në Premier League. Arsenal ka mposhtur sot Tottenhamin, duke u shpallur fitues i derbit të 193-të.
"Kjo tregon jo vetëm vendosmëri dhe guxim, por duhet të kesh besim dhe cilësi për ta bërë këtë kundër kësaj skuadre. Kjo varet absolutisht nga lojtarët. Janë një grup i mrekullueshëm lojtarësh. Unë mendoj se sot kemi bërë një hap tjetër", ka thënë trajneri i Arsenalit.
Një përsëritje e edicionit 2003/04 kur Arsenal kishte fituar Premier Leaguen për herë të fundit po duket gjithnjë e më shumë si mundësi reale.
Arsenal vazhdon të mbetet në krye me 47 pikë, tetë pikë më shumë se Manchester City që është në vendin e dytë.
