Edhe pse ka një pjesë të dytë të sezonit për të luajtur, shumë klube tashmë janë në lëvizje për të planifikuar merkaton për të ardhmen.
Merkato e janarit po hyn në fazën e saj më të nxehtë, me klubet gati për të përforcuar skuadrat e tyre përkatëse. Megjithatë, përveç merkatos së dimërit, shumë klube tashmë janë duke punuar në merkato për sezonin e ardhshëm.
Mes këtyre klubeve gjejmë Real Madrid-in, i cili në fund të sezonit mund të kryejë një revolucion. Ndryshimi i madh për Los Blancos mund të nisë nga trajneri Carlo Ancelotti, i cili mund të thotë lamtumirë në verë.
Në këtë drejtim, nëse trajneri italian do të thotë lamtumirë zyrtarisht, Florentino Perez duket se tashmë ka identifikuar zëvendësuesin ideal për të nisur një projekt të ri. Siç u përmend, vera e ardhshme mund të sjellë shumë ndryshime te Real Madrid, duke filluar nga trajneri.
Sipas raportimeve të portalit elnacional.cat, në fakt, numri një i madrileëve duket i bindur se projektit të Ancelotti-t i ka ardhur fundi. Nëse ndodh lamtumira, presidenti duket i vendosur të marrë në Madrid Jurgen Klopp, i cili duket gati t’i thotë lamtumirë Liverpool-it pothuajse tetë vjet pas mbërritjes së tij.
Florentino Perez, përveç trajnerit, po mendon edhe një revolucion të rëndësishëm sa i përket ekipit. Në të vërtetë, Dani Carvajal, Lucas Vázquez, Jesús Vallejo, Álvaro Odriozola, Dani Ceballos, Eden Hazard dhe Mariano Díaz mund t’i thonë lamtumirë klubit spanjoll, me Klopp që nuk do të ishte kundër.
Ndër dhuratat që presidenti duket i gatshëm t’i garantojë trajnerit gjerman duket se është Dushan Vlahoviq, i cili pëlqehet shumë nga trajneri gjerman. Futbollisti do ta pranonte me kënaqësi destinacionin, por do të duhet një ofertë e rëndësishme për ta rrëmbyer nga Juventus-i.
Një tjetër emër në orbitën e Real-it prej disa kohësh është Bellingham i Borussia Dortmundit, i cili mund të largohet për rreth 80 milionë euro. Merkato e së ardhmes është gati të fillojë, me Real Madrid-in që po përgatitet ta jetojë atë si një protagonist i madh.
