Pavarësisht lëvizjes në Arabinë Saudite, Cristiano Ronaldo vazhdon të kërkojë personel të kualifikuar për mega vilën e tij të blerë së fundmi në Portugali.
Talenti luzitan, së bashku me partneren e tij Georgina po “shoshitin” figura të ndryshme profesionale, por pasi kanë gjetur shërbëtorin dhe shtëpinë e tyre, tani po përballen me një zgjedhje vendimtare e të vështirë.
Ronaldo dhe gruaja e tij janë të fiksuar pas ushqimit.
Dhe për këtë kërkojnë një kuzhinier që di të ofrojë pjata veçanërisht të shijshme, por në të njëjtën kohë të ngjashme me dietën e tyre.
Ndër pjatat e preferuara të çiftit është sushi dhe merluci i pjekur në skarë, i cili është bërë i famshëm për kritikat e bëra nga futbollistët e Manchester United ndaj ndaj pjatës tipike portugeze.
Për një kuzhinier të tillë të spikatur profesionalisht, CR7 ofron një pagë veçanërisht të favorshme, 5 mijë euro në muaj. Kuptohet, ai do të ketë falas ushqimin dhe akomodimin për vete, në super vilën e yllit portugez, që është në ndërtim e sipër dhe do të kushtojë plot 20 milionë euro.