Klubi i Ballkanit vazhdon përforcimet në merkaton e janarit, teksa po bëhet gati për pjesën e dytë të sezonit ku synon që të mbrojë titullin kampion të vitit të kaluar.
Skuadra e drejtuar nga Ilir Daja ka në dispozicione emra shumë të rëndësishëm, por i ka shtuar “koleksionit” edhe një futbollist me shumë përvojë dhe cilësi si Lorenc Trashi.
Marrëveshja mes palëve ishte lajmëruar prej disa ditësh por zyrtarizmi i saj është bërë sot, teksa Trashi ka nënshkruar një kontratë prej dy vitesh e gjysmë më kampionët në fuqi të Kosovës që synojnë të ndërtojnë një skuadër të denjë për të marrë pjesë rregullisht në grupet e Ligës së Konferencës.
"Ju njoftojmë se Lorenc Trashi është zyrtarisht futbollist i skuadrës sonë!
Trashi ka firmosur me klubin tonë për 𝟮 𝘃𝗶𝘁𝗲 e gjysmë, duke u bërë në këtë mënyrë futbollisti më i ri i skuadrës sonë.
Trashi ka qenë pjesë e ekipeve si KS Lushnja ,KF Partizani dhe së fundmi ishte pjesë e klubit Qadsia SC (Kuvajt).
Vlen të ceket se Trashi ishte edhe pjesë e Kombëtares së Shqipërisë!!
Klubi i Ballkanit i uron mirëseardhje dhe shumë suksese me fanellën e klubit ton", njofton Ballkani.
