Gjyqtari i futbollit, punonjësi dhe sekretari i klubit nga Zara “Abeceda”, Miro Suraç, ka vdekur papritur.
Raportohet se Suraç u rrëzua në fushë, ata që ishin afër u përpoqën të rikthenin në jetë por fatkeqësisht nuk ia dolën.
Shumë klube të Zarës i thonë lamtumirë të dielën.
Gjyqtari vdiq tragjikisht në moshën 26-vjeçare, raporton media kroate “Veçernj list”.
“Me dhimbje dhe pikëllim të thellë njoftojmë lajmin se sekretari ynë Miro Suraç u largua nga ne papritmas, në moshën 26-vjeçare.
E gjithë familja e Abecedës është e mbështjellë me të zeza.
I shprehim ngushëllimet tona të sinqerta familjes dhe miqve të Miros.
Imazhi dhe vepra e Miros që ai gërshetoi në fillimet e Klubit të Futbollit të ‘Abeceda’ do të shënohet përgjithmonë në historinë e klubit.
I dashur Miro, faleminderit për gjithçka që i ke dhënë klubit, faleminderit për të gjitha momentet që kaluam së bashku.
Faleminderit për dashurinë tuaj të pathyeshme, sportin dhe miqësinë tuaj. U prefsh në paqe o njeri i mirë”, shkruan në faqe e klubit “Abeceda".
