Frederik Masara ka besim te Milani dhe analizon situatën e skuadrës, duke i dhënë publikisht besim mbi ecurinë në kampionat.
“Superkupa ishte një humbje e rëndë, por ne tashmë e kemi harruar. Sa herë që Milani ka pasur vështirësi, ka mundur të riniset në mënyrë shumë energjike.
Ekipi është i kompletuar. Ne jemi absolutisht të bindur se kemi ekip të fortë dhe një trajner shumë të mirë, të cilët janë në gjendje të garojnë në nivelin më të lartë dhe ta bëjnë këtë deri në fund. Jemi shumë të qetë për vlerën e këtij ekipi.
Po rikuperojmë shumë lojtarë, që kanë pasur lëndime dhe na pret një fazë e dytë cilësore në kampionat”, deklaroi drejtori sportiv.
Nga ana e tij nuk mund të mungonte edhe një koment mbi Zaniolon, për të cilin la një fije shprese. Merkato është e hapur, edhe pse kemi thënë se nuk kemi nevoja të veçanta. Do të shohim nëse do të ketë mundësi deri në fund të merkatos, por mendoj se do të jetë e vështirë.
