Agron Selmani, ish drejtori sportiv i klubit të futbollit Ferizaj, sot përmes një shkrese në profilin e tij në facebook, ka sqaruar se punët nuk ishin mirë edhe sa ishte ai brenda klubit dhe ka përmendur edhe emra!
A po dalin në sipërfaqe të gjitha gjërat që kanë ndodhur brenda për brenda klubit?
Si do të veprojë FC Ferizaj në rastin e Agron Selmanit, ku thotë: ”Ndryshimet në shtabin teknik për kohën sa unë isha në klub në cilësinë e drejtorit sportiv ishin kërkesë konkrete e aksionarëve dhe bordit të klubit të përcjellura tek unë dhe shtabi teknik nga kryetari klubit Z. Lulzim Abazi dhe anëtari i bordit të klubit Z Nehat Thaqi.
Paraprakisht, kryetari i klubit Z. Lulzim Abazi ka marr një kërkesë konkrete nga nënkryetari i klubit Z. Xhevat Rushiti se nëse nuk ndërhyhet me ndryshime në shtab teknik atëherë ai do të ndërprej njëanshëm dhe menjëherë kontributin financiar në klub”.
Arbnor Morina ka dhënë dorëheqje apo e kanë shkarkuar? Dilema që hapet nga vet Agron Selmani.
“Kryetari i klubit pas ndeshjes me FC Gjilanin ka kërkuar dhe ka aprovuar dorëheqjen e trajnerit Arbnor Morina, duke e lënë të hapur mundësinë që në një të ardhme të afërt angazhimin e Morinës prapë në klub!”, ka shkruar Selmani.
Këtu i bie që Morina u largua pa dëshirën e tij dhe edhe këtë duhet të sqarojë FC Ferizaj.
Problemi tjetër është se a ka pas ndërhyrje në punën e trajnerit Morina?
A ka kërkuar ndokush që ndonjë futbollist të jetë më i favorizuar për hir që e ka të vetin dhe Morina nuk e ka përfillur?
Nëse Morina del në sipërfaqe për të sqaruar situatën sa ishte trajner, a do të tregojë me emra se kush iu ka përzier në punën e tij nëse iu kanë përzier.
Merret vesh nga brenda klubit, se nëse hapet çështja, shumëçka do të del në dritë.
Ku ishte Agron Selmani që këto gjëra nuk i tha qysh në ditët e para por heshti deri më sot.
I dorëhequr apo i shkarkuar Arbnor Morina?
