Sebastian Spahiu ishte një ndër më të mirët në fushë sot kundër Kastriotit.
Mesfushori shënoi golin e dytë për ekipin e tij dhe pas sfidës u shpreh se ishte tepër i kënaqur me fitoren e marrë.
“Sigurisht mund të jap më shumë, isha i kënaqur për pjesën e parë, por në të dytën isha pak më i fikur. Por ishte një ndeshje e mirë.
Normalisht do të na bëjë shumë mirë fitorja, tani do të shohim përpara për ndeshjen e të hënës në kampionat.
Çfarë duhet të bëjë skuadra më mirë e di trajneri.
Për vete them që nuk duhet të stresohemi kur sulmojmë e jemi në epërsi, nuk duhet të kthehemi në mbrojtje
. Duhet të zhvillojmë futbollin tonë si në fillimin e ndeshjes”, tha Spahiu për “Oversport” pas ndeshjes.
