Transferimi i Enzo Fernandezit te Chelsea jo vetëm që ka gëzuar Benficën, por edhe River Platen.
Në fakt, Chelsea theu rekordin e transferimeve në futbollin anglez, duke nënshkruar me mesfushorin argjentinas për 121 milionë euro.
Benfica bëri marrëveshjen e shekullit, pasi shtatë muaj më parë për transferimin e Fernadezit pagoi vetëm 10 milionë euro.
Megjithatë, transferimi përfshinte një klauzolë prej 25 për qind të shitjes së radhës të mesfushorit 22-vjeçar.
Kështu River Plate, pa marrë pjesë në transferimin e fundit, fitoi 30 milionë euro të tjera nga kalimi i Fernandezit në Londër dhe në total fitoi 40 milionë në llogari të tij.
Sa i përket Benficës, nga 121 milionë, gjigantët portugez kanë ende 91 milionë, dhe duke llogaritur paratë e investuara për ardhjen e Fernandezit nga Buenos Aires, kanë realizuar një fitim neto prej 81 milionë eurosh.
Fernandez shënoi katër gola dhe regjistroi gjashtë asistime për Benficën këtë sezon, por shkëlqeu në Kupën e Botës ku u shpall lojtari më i mirë i ri i turneut.
