Baseli është kualifikuar në çerekfinale të Kupës së Zvicrës në futboll.
Grasshoppersi si vendas ka pësuar humbje me rezultat 5:3 nga Baseli.
Përballja e Kupës mes Grasshoppersit dhe Baselit, përveç spektaklit të golave, ka qenë edhe derbi mes futbollistëve të Kosovës.
Kapiteni Amir Abrashi u paraqit titullar, ndërsa Meritan Shabani u aktivizua nga minuta e 15-të dhe Shkëlqim Demhasaj në atë të 87-tën për Grasshoppersin.
Abrashi dhe Shabani u zëvendësuan në minutën e 79-të.
Andi Zeqiri ka luajtur standard për Baselin dhe u zëvendësua në minutën e 81-të.
Për Baselin shënuan Kade (29'), Frei (45+2'-nga penalltia), Amdouni (48' e 90+2'), Adams (65') dhe për Grasshoppersin realizuan Dadashov (52'), Seko (31’ e 73').
