Adnan Januzaj transferohet në futbollin turk. 27-vjeçari i lindur në Bruksel, autor i 15 ndeshjeve dhe një goli me kombëtaren belge, është prezantuar si lojtari më i ri i Basaksehirit.
Klubi turk arriti marrëveshjen me Sevillan për huazimin e sulmuesit të djathtë, i cili kishte përfunduar jashtë projektit teknik të andaluzëve.
Dy klubet kanë rënë dakord për huazimin e Januzajt deri në fundin e sezonit, pa vendosur asnjë klauzolë blerjeje nga turqit, të cilët do të paguajnë pagën e plot të lojtarit me origjinë shqiptare.
Januzaj ka luajtur me skuadra si Manchester United, Borussia Dortmund, Sunderland, Real Sociedad dhe Sevilla.
Tani synon të ndihmojë Basaksehirin të sigurojë një bilete europiane për sezonin e ardhshëm. Skuadra nga Stambolli renditet në vendin e tretë me 40 pikë, 11 më pak se Galatasaray kryesues.
