Flamurtari gjen fitoren e parë në vitin kalendarik 2023.
Vlonjatët e Marselo Troisit mposhtën me rezultatin 0-2 Luzin 2008 në sfidën e zhvilluar në Peqin.
Të dy golat në këtë duel u shënuan nga futbollistët Erik Flores dhe Dos Santos.
Skuadra e Flamurtarit ishte më superiore në këtë duel duke e merituar triumfin, ndërkohë që inkursionet e Luzit ishin me pikatore.
Vlen të theksohet se në minutën e 37-të, pati edhe momente paniku pas një përplasje kokë më kokë brenda zonës, mes portierit të Luzit dhe sulmuesit të Flamurtarit.
Ndërkohë që pjesa e dytë nisi me vonës, për shkak të mungesës së ambulancës.
Me këtë fitore Flamurtari u ngjit në kuotën e 25 pikëve në 14 ndeshje, duke u pozicionuar në vendin e dytë, teksa Luzi mban vendin e shtatë me 18 pikë.
