Pas suksesit të arritur me zhvillimin e Kupës së Botës në fundin e vitit të shkuar, Katari ka vendosur të investojnë në rritjen e nivelit të Kombëtares së futbollit të meshkujve.
Federata e Katarit ka zyrtarizuar dje trajnerin e ri që do të drejtojë ekipin e tyre kombëtar.
Në pankinë vjen një emër mjaft i njohur, që zotëro një CV tepër të pasur. Bëhet fjalë për Carlos Queiroz-in.
Portugezi 69-vjeçar në të shkuarën ka drejtuar Kombetaren e Portugalisë, Realin e Madridit, Kolumbinë, si dhe ka qenë për disa vite krahu i djathtë i Alex Fergusonit te Manchester United-i.
Ndërkohë, nuk i mungon as eksperienca në vendet e Lindjes së Mesme, teksa ka drejtuar më parë Egjiptin, ndërsa së fundmi udhëhoqi Iranin në Kupën e Botës 2022.
Queiroz ka arritur të dërgojë në Kampionatin Botëror Afrikën e Jugut (2002), Portugalinë (2010) dhe Iranin (2014, 2018 dhe 2022).
Drejtuesit e Federatës së Katarit presin që një objektiv të tilla ta arrijë edhe me Kombëtaren e tyre.
