Kombëtarja e Shqipërisë do të luajë një ndeshje miqësore më 23 mars, vetëm katër ditë përpara sfidës në transfertën kundër Polonisë, e para në Grupin E për kualifikueset e Euro 2024.
Sipas udhëzimeve të trajnerit Silvinjo, që kërkonte një rival të lehtë, Federata Shqiptare e Futbollit ka zgjedhur Uzbekistanin, kombëtare që renditet shumë poshtë “kuqezinjve” në renditjen e përgjithshme të FIFA-s.
Përballja miqësore do të luhet në orën 18:00, në stadiumin “Air Albania”.
Kombëtarja e Shqipërisë do të grumbullohet vetëm tre ditë përpara kësaj sfide.
Ky do të jetë grumbullimi i parë për Silvinjon, trajneri që mori drejtimin e përfaqësueses shqiptare të futbollit pas largimit të Edi Rejas.
