Gerard Pique dhe Iker Casillas ishin protagonistët e një përplasje të ndodhur mbrëmjen e së premtes në javën gjashtë të Kings League.
Ish-lojtarët e Real Madridit dhe Barcelonës me të vërtetë kanë ngacmuar njëri-tjetrin për vendimet e diskutueshme të arbitrave që kanë vendosur ndeshjet e kaluara.
Diskutimi mes të dyve, që ndez rivalitetin Madrid-Barcelona, u ngrit kur Gerard Pique kujtoi César Muñiz Fernández, një ish-arbitër spanjoll në La Liga.
Ish-lojtari i ‘Blaugrana’ dhe presidenti aktual i Kings League kujtoi një penallti që iu dha ‘Los Blancos’ në atë kohë gjatë një ndeshjeje Elche-Real Madrid në sezonin 2012/13.
Në fakt, Pique kujton penalltinë e dhënë ndaj mbrojtësit portugez Pepe, e cila më pas çoi në golin vendimtar nga Cristiano Ronaldo.
“Ky është një nga episodet më të famshme dhe historike, një nga turpet e Madridit, një prej tyre”, thotë Pique.
Një qëndrim i qartë i cili megjithatë shkaktoi një reagim të menjëhershëm nga Casillas.
Casillas: “Pique, mbaj mend…”.
Pak para se Casillas të shprehte mendimet e tij, Pique ishte përpjekur t’i hidhte ujë zjarrit duke thënë:
“Nuk dua të futem në këtë çështje”, duke iu referuar edhe kandidimit të Muñiz Fernández që u ofrua për të arbitruar ndeshjet e Kings League.
Një përpjekje për të zbutur tensionin evident e cila dështoi: “Turp të të vijë kundër Chelsea”, u përgjigj Casillas, duke kujtuar atë arbitrimin e famshëm dhe të diskutueshëm të norvegjezit Tom Ovrebo në Stamford Bridge në gjysmëfinalen e Champions League, sezoni 2008/2009 kundër “Bluve”.
