Eddie Nketiah e vlerësoi menaxherin e Arsenalit, Mikel Arteta për përmirësimin në lojën e tij këtë sezon dhe e falënderoi për besimin tek ai.
Nketiah pohoi se në ditën e tij të parë si trajner i Arsenalit, Arteta i kishte thënë atij se ai beson në aftësitë e tij dhe do t’i japë atij mundësi për të shfaqur talentin e tij.
Sulmuesi ka folur edhe për këshillat teknike dhe taktike që ka marrë nga spanjolli.
Duke folur për ‘The Times’, Nketiah tha: “Ka qenë mirë nën Mikelin, ka qenë e qëndrueshme. Më duhet të them që nga dita kur ai hyri, ai tha: “Unë besoj në ju dhe do t’ju jap mundësi” unë jam përmirësuar kaq shumë falë tij… Sigurisht, [fusha të tjera të lojës sime] janë përmirësuar; të kuptuarit taktik, njohuritë e zonave dhe hapësirave ku duhet të shkosh për të marrë një pasim dhe për të ndikuar më shumë tek mbrojtësit, lojë ndërtimi – këto janë të gjitha gjërat ku Mikel më ka ndihmuar të bëj hapa të mëdhenj”, ishin fjalët e lojtarit.
Këtë sezon sulmuesi ka nëntë gola në 27 paraqitje gjithsej në të gjitha garat.
