Ka përfunduar pjesa e parë në katër ndeshjet që po zhvillohen momentalisht në Ligën e Evropës, ku kemi rezultate interesante dhe vetëm dy gola të shënuar.
Pas 45’ minutave lojë të zhvilluara në stadiumin “Camp Nou”, Barcelona dhe Manchester United hyjnë në pushim duke barazuar pa gola, 0:0.
Të dy skuadrat kishin rastet e tyre për ta gjetur golin, por që portierët, sikurse Ter Stegen ashtu edhe De Gea ishin në nivelin e tyre duke mbajtur portat e paprekura.
Situatë e njëjtë është edhe në ndeshjen tjetër interesante mes RB Salzburgut dhe Romës, ku të dyja hyjnë në zhveshtore pa e gjetur golin në këtë pjesë të parë.
Ndërkaq, skuadra e Shakhtar Donetsk po avancon 2:0 kundër francezëve të Rennes, ku golat për ukrainasit i shënuan Kryskiv (minuta e 11’) dhe Bondarenko (minuta e 45+1’).
Rezultatet e pjesës së parë të ndeshjeve që po zhvillohen aktualisht në Ligën e Evropës i gjeni më poshtë.
Ajax 0:0 Union Berlin
Barcelona 0:0 Manchester United
RB Salzburg 0:0 AS Roma
Shakhtar Donetsk 2:0 Rennes
