Ivan Juriq, trajner aktual i Torinos, nuk ka dashur të përdorë filtra kur u pyet për situatën e Etrit Berishës, portierit të Kombëtares Shqiptare, të cilin e ka nën urdhrat e tij në klubin italian, por që nuk e grumbullon që pas 15 janarit.
Madje portieri kuqezi nuk ka zbritur në fushë në asnjë ndeshje të Serisë A këtë sezon (ka qenë i grumbulluar në 13 raste).
Arsyeja është e thjeshtë: Juriq preferon Vanja Milinkoviq-Saviq si titullar, por ka më shumë.
Juriq “ngel në klasë”! Berisha nuk pranon!
“Berisha e ka vështirësi të bëjë portierin e dytë: stërvitet keq dhe kjo është e dëmshme.
Kush nuk stërvitet mirë, mbetet jashtë”.
Siç shpjegoi trajneri i Torinos, portieri shqiptar nuk e pranoi rikthimin si portier i dytë pasi ishte protagonist në javët e fundit të sezonit të kaluar.
“Vitin e kaluar dha një kontribut të madh, por tani e ka pasur të vështirë ta pranojë këtë situatë.
Preferoj që ai të stërvitet veçmas dhe Gemello të bëjë të dytin”.
