Dy gola në fund të pjesës së parë, i mjaftuan Barcelonës për të marrë tre pikë të mëdha.
Katalunasit shënuan fitore me rezultat 2:0 ndaj Cadiz-it, në takimin e javës së 22-të të kampionatit spanjoll.
Në minutën e 43-të, Roberto ka shënuar për 1:0.
Lewandowski ka realizuar për 2:0 në minutën e 45+1, falë asistimit të Robertos.
Në minutën e 87-të, Barcelona me fat. Lozano godet me kokë por shtylla e djathtë e shpëtoi portierin ter Stegen.
Është fitorja e shtatë rresht në vitin 2023 apo me seri të qindpërqindtë në kampionatin spanjoll.
Futbollisti Lewandowski kryeson listën e shënuesve me 15 gola, duke lënë pas Benzeman (Reali) e Joselun (Espanyol) me nga 11 gola.
Barcelona kryeson me 59 pikë, duke lënë pas Realin me 51 dhe Cadiz është i 17-ti me 22 sosh.
