Ballkani ka marrë tre pikë të mëdha nga udhëtimi në Mitrovicë, pasi ka mposhtur Trepçën ’89 me rezultat minimal 0:1.
Ka mjaftuar një gol nga Albion Rrahmani në fund të ndeshjes për t’i dhënë tre pikët kampionit në fuqi të Kosovës.
Trajneri i Ballkanit, Ilir Daja ka thënë se e prisnin një ndeshje shumë të vështirë dhe ashtu i doli.
“E kishim menduar një ndeshje të vështirë dhe ashtu doli, sepse 89-shi luan mirë në shtëpi dhe ka një ekip të fortë”.
“Ishte një ndeshje e mirë në përgjithësi, por me e mira e gjithë kësaj ishte marrja e tri pikëve.
Po ashtu, më gëzon fakti që lojtarët e ekipit tim nuk u dorëzuan për asnjë moment duke treguar karakter fituesi”, tha Daja.
“Kjo është shumë e rëndësishme për ne, ndonëse orari i ngjeshur ka bërë paksa të ndihet lodhja.
Mirëpo, ne do të vazhdojmë të punojmë dhe ta mbajmë ritmin”, deklaroi Daja pas ndeshjes..
