Struga Trim Lum nesër (13.00) do të ballafaqohet me Makedonija GP, në takimin e javës së 20-të të Kampionatit të Maqedonisë së Veriut.
Lideri i kampionatit synon tre pikë në këtë duel, që luhet në Strtugë.
Struga kryeson me 38 pikë e Makedonija GP renditet në vend të tetë me 20.
Futbollisti Mexhit Neziri flet për debutimin e tij si dhe ndeshjen me Makedonija GP.
“Ndeshja me Tikveshin ishte një debutim për mua me fanellën e Struga Trim Lum në një ndeshje zyrtare.
Mund të them që përshtypja dhe ndjesia ishte shumë pozitive në atë ndeshje.
ndjejë shumë mirë në fushë, ndërsa i vetmi peng ishte që nuk e fituam ndeshjen, përndryshe gjithçka ishte mirë", - tha Neziri për faqen e klubit struganët.
“Struga Trim Lum ka forcë dhe cilësi për të marrë pikët e plota nga kjo ndeshje që do e zhvillojmë para tifozëve tanë.
Për mua dhe disa shokë të tjerë do jetë kjo hera e parë që do luajmë para publikut tonë, ndaj dhe i ftoj që të jenë në numër sa më të madh për të na e lehtësuar punën e tre pikëshit, pasi ky është qëllimi i vetëm.
Do bëjmë maksimumin që pikët e plota të mbeten në Strugë dhe shpresoj se në fund të takimit do të festojmë bashkë”, ka përfunduar Neziri.
