Ferizaj nuk ka të ndalur në pjesën e dytë të kampionatit, nga katër ndeshje ka dy fitore e dy barazime apo gjithsej ka fituar 8 pikë, një bilanc fantastik.
Ferizajasit si vendas shënuan fitore me rezultat 2:1 ndaj Dritës së Gjilanit, në takimin e javës së 22-të të elitës së futbollit të Kosovës.
Fitore me përmbysje të rezultatit, me shije të ëmbël dhe para rreth 1500 shikuesve.
Në minutën e 54-të, Kastriot Selmani ka shënuar pas një gabimit trashanik të mbrojtjes ferizajase.
Në minutën e 57-të, Ergon Hyseni, si trim i vërtetë, në stilin anglez, me kokë ka shënuar në pjesën e epërme të portës së portierit Malokut, 1:1.
Në minutën e 85-të, Betim Haxhimusa i jep goditje shkatërruese Dritës, 2:1.
Në minutën e 90-të, Bujar Shabani i Ferizajt, u ndëshkua me karton të kuq.
Portieri Jovanovski është më i mirë te Ferizaj, ndërsa Drita goditi edhe shtyllën e ferizajasve.
Drita është në vend të dytë me 44 pikë dhe Ferizaj ngritet në vend të nëntë me 21 sosh.
