Bajrami titullar në triumfin e Sasuolos!
U transferua në merkaton e janarit nga Empoli te Sasuolo, Nedim Bajrami është shndërruar menjëherë në protagonist te skuadra e tij e re, duke fituar menjëherë vendin e titullarit.
Mesfushori i Kombëtares shqiptare u aktivizua nga minuta e parë edhe në duelin e mbrëmjes së sotme ndaj Lecces, ku Sasuolo triumfoi me rezultatin 0-1. Paraqitje pozitive për Bajramin, që qëndroi në fushë plot 83 minuta.
Ai u vlerësua me notën 7 nga faqja e specializuar e statistikave “Sofascore”, teksa fitoi 4 nga 7 duelet si dhe regjistroi 1 pasim kyç. Gjithashtu Bajrami e preku 40 herë topin, duke regjistruar 1 driblim të saktë.
