Situatë shumë kaotike te Partizani pas humbjes në Shkodër në ndeshjen e Kupës së Shqipërisë.
Raportohet se trajneri i të kuqve, Xhovani Kolela, po mendon largimin nga Partizani, edhe pse ka një derbi shumë të rëndësishëm ndaj Tiranës që mund të përcaktojë fatin e kampionatit vetëm pas katër ditësh.
“Zhvilloi një bisedë të gjatë me drejtorin Olsi Rama dhe drejtorin sportiv Elton Marini pas ndeshjes këtu në korridorin e stadiumit”, shpjegoi gazetari Alban Xhihani, i cili bëri të qartë se trajneri italian nuk do jepte komente para kamerave pas ndeshjes.
“Kanë diskutuar dhe po vihet në pikëpyetje vijimësia e tij në pankinë.
Nuk ia kanë kërkuar largimin, është ai që po e mendon. Ndaj do të shohim në vijimësi nëse do të jetë ai apo jo trajneri në derbi të hënën”, theksoi Xhihani.
