Jose Mourinho ka dalë në pah me një tjetër skandal të madh, këtë herë në kufijtë e qesharakes.
Kjo ka ndodhur gjatë ndeshjes mes Lazios dhe Romës U-14. Javët e fundit nuk kanë qenë të suksesshme për trajnerin e njohur.
AS Roma e tij është në një formë të dobët dhe ai u ndëshkua me të kuq së fundmi për kritikat ndaj vendimet të gjyqtarëve në ndeshjen me Cremonese.
Ky ishte kartoni i tij i tretë i kuq këtë sezon.
Madje, “The Special One” u pezullua edhe për dy ndeshje të tjera.
Nuk është kjo gjithçka. Sipas mediave italiane, Mourinho është shfaqur në ndeshjen Lazio-Roma U-14.
Trajneri i “Giallorossi” u duk se vëzhgonte talentet e rinj që mund të jenë e ardhmja e Romës.
Megjithatë, ai nuk u ndal në vëzhgim. Sipas gazetarëve, “Mou” inkurajoi të rinjtë e Romës që të shtiren si të dëmtuar për të vjedhur kohën në fund pasi po fitonin 2-1.
Trajneri i të rinjve të Lazios, Tobia Assumma është acaruar me këto gjeste të turpshme dhe u përball me Mourinhon.
